പട; അന്നുതൊട്ടിന്നോളം വഞ്ചിക്കപ്പെട്ട ഒരു സമൂഹത്തിന് വേണ്ടി
മുത്തങ്ങയില് ആദിവാസി ഗോത്രമഹാസഭയുടെ നേതൃത്വത്തില് നടത്തിയ സമരവും 2003 ഫെബ്രുവരി 19ന് നടന്ന വെടിവെയ്പും അനന്തര സംഭവങ്ങളും റിപ്പോര്ട്ട് ചെയ്ത മാധ്യമ പ്രവര്ത്തകനെന്ന നിലയില് 'പട' സിനിമ ഉള്ളിലുണ്ടാക്കിയ ചില അന്താളിപ്പുകളുണ്ട്. പ്രത്യേകിച്ച് പടയുടെ അവസാന ഭാഗത്ത് മുത്തങ്ങയിലെ സമരവും വെടിവെപ്പിലേക്ക് നയിച്ച സംഭവങ്ങളും ബിഗ് സ്ക്രീനില് കണ്ടപ്പോഴുണ്ടായ ചില വല്ലായ്മകള്. 2003ല് നേരെ കണ്മുമ്പില് നടന്ന തീയും പുകയും പൊലീസ് മര്ദ്ദനവും ഉള്പ്പെടെ സ്ക്രീനില് മിന്നിമറഞ്ഞത് അന്നത്തെ അതേ മാനസിക വികാരങ്ങളോടെയാണ് കണ്ടിരുന്നത്. പത്തൊന്പത് വര്ഷം പിന്നിലേക്ക് തിടുക്കത്തിലൊരു മടക്കയാത്രയായിരുന്നു അത്. ത്തങ്ങ സംഭവത്തിനും ഏഴ് വര്ഷങ്ങള്ക്ക് മുമ്പ്, ഒരുപക്ഷേ മുത്തങ്ങ ഉള്പ്പെടെയുള്ള ആദിവാസി പ്രക്ഷോഭങ്ങള്ക്ക് കാരണമായ ഭരണഘടനയുടെ ഒന്പതാം പട്ടികയില് ഉള്പ്പെടുത്തിയ ആദിവാസി ഭൂനിയമം 1996ല് നായനാര് സര്ക്കാര് നിയമസഭയില് ഭേദഗതി ചെയ്തതുമായി ബന്ധപ്പെട്ടാണ് 'പട' സിനിമ ഒരുക്കിയിരിക്കുന്നത്. ആദിവാസി ഭൂനിയമ ഭേദഗതിക്കെതിരെ പാലക്കാട് കലക്ടറേറ്റില് അയ്യങ്കാളിപ്പടയുടെ പേരില് നാല് പേര് ജില