അനുഭവങ്ങള്കൊണ്ട് ജീവിതം പൊള്ളിയപ്പോഴും തണല് കാലങ്ങളെ സ്വപ്നം കണ്ടവന്
2016 ജൂണ് 18-ാം തിയ്യതി നട്ടുച്ചയ്ക്കാണ്, ക്വാളിറ്റി ഗ്രൂപ്പ് ഓഫ് കമ്പനിയിലെ റഫീക്ക് പൊക്കാക്കി ഒരാളുമായി വര്ത്തമാനത്തിന്റെ ഖത്തര് ഓഫിസില് വന്നു. മാങ്ങാചുനകൊണ്ട് ചുണ്ടുപൊള്ളിയതുപോലെ അദ്ദേഹത്തിന്റെ മുഖത്ത് അന്നേരം ചെറിയൊരു പരിക്കുണ്ടായിരുന്നു. ഷേവിംഗ് അലര്ജിയായിരുന്നുവത്രെ മുഖത്ത്. സംസാരിച്ചപ്പോഴാണ് മനസ്സിലായത്, അനുഭവങ്ങള് കൊണ്ട് സ്വന്തം ജീവിതം പൊള്ളിപ്പോയ, പിന്നീട് എഴുത്തുകൊണ്ട് ആസ്വാദകരെ പൊള്ളിച്ച ആളാണ് മുമ്പിലെത്തിയതെന്ന്- അയാള് റഷീദ് പാറക്കലായിരുന്നു. അക്കാലത്ത് ഖത്തറില് ജോലി ചെയ്തിരുന്ന സംവിധായകന് ഷലീല് കല്ലൂരിന്റെ ഒരു തമിഴ് സിനിമയുമായി ബന്ധപ്പെട്ടായിരുന്നു റഷീദ് പാറക്കല് ഖത്തറില് വന്നത്. സിനിമാ പ്രവര്ത്തനങ്ങള്ക്കിടയിലുള്ള ഒരു ഇടവേളയിലെപ്പോഴോ ആണ് റഫീക്ക് പൊക്കാക്കി റഷീദ് പാറക്കലുമായി വര്ത്തമാനം ഓഫിസിലെത്തിയത്. അവിടെയിരുന്ന് കുറേ സമയം സംസാരിക്കുകയും ഇടയ്ക്ക് മനോഹരമായി കവിത ആലപിക്കുകയും ചെയ്തു റഷീദ് പാറക്കല്. ഇത്രയും ഇന്ട്രോ. ഇനിയാണ് കാര്യത്തിലേക്ക് കടക്കുന്നത്. റഷീദ് പാറക്കല് രചനയും സംവിധാനവും നിര്വഹിച്ച സിനിമ 'സമീര്' കഴിഞ്ഞ ദിവസമാണ് ഒ ടി ടി പ്ലാറ്റ്ഫോ