Monday, May 4, 2009

പരിണാമം

അന്ന്,
ഞാനാദ്യം കാണുമ്പോള്‍
നിനക്കു കണ്ണട ഉണ്ടായിരുന്നു
കഴുത്തില്‍,
കറുത്ത ചരടാലൊരു മാലയും.
എന്നെ കണ്ടുമുട്ടിയ കാലത്തെന്നോ
നീ കണ്ണട മാറ്റി
പരിചയപ്പെട്ടതില്‍ പിന്നെ
ചരട് മാലയും ഉപേക്ഷിച്ചു.
കാലം മാറിയപ്പോള്‍
നമ്മള്‍ തമ്മില്‍
കാണാതെയുമായി .
ഒടുവില്‍,
ഞാനും നീയും
പരിണാമത്തിന്റെ ദശാസന്ധിയില്‍
പിന്നെയും കണ്ടുമുട്ടേണ്ടി വന്നപ്പോള്‍
ഞാന്‍ കവിയായിരുന്നു;
നീയോ, എന്റെ കവിതയും!

No comments:

Post a Comment

Followers

About Me

My photo
thalassery, muslim/ kerala, India