Saturday, April 11, 2009

ഇത് നിനക്കുള്ള സമ്മാനം




ഇത് നിനക്കുള്ള സമ്മാനം

നിനക്കു ഞാന്‍ സമ്മാനിക്കുന്നു

പ്രണയത്തിന്റെ ചെന്ചോപ്പ്

ഇനിയും അടര്‍ന്നു പോയിട്ടില്ലാത്ത

ഈ ഹൃദയം.


നേര്‍ വരകള്‍ ഇല്ലാതെ പോയ

ജീവിതത്തിലെ

ചിതറിത്തെറിച്ച സ്വപ്‌നങ്ങള്‍.


ആത്മാവില്‍

ചിതല്‍ അരിച്ചു പോയിട്ടില്ലാത്ത

സ്വപ്ന ദേശത്ത് നിന്നും

ഒരു പ്രണയ സന്ദേശം.


കാലങ്ങള്‍ക്കു അപ്പുറത്ത് നിന്നും

നിന്നെ തേടി ഒരു സന്ദേശം എത്തിയേക്കും

നിനക്കു അറിയാത്ത ഭാഷ ആണെന്കിലും

അതിലെ വരികള്‍ നീ തിരിച്ചറിയും

അനുഭവിച്ചിട്ടില്ലാത്ത

വികാരം ആണെന്കിലും

അത് നിന്നെ കീഴ്പ്പെടുതിക്കലയും.


ചിലപ്പോള്‍

അക്കാലം വരേയ്ക്കും

നമ്മള്‍ പിരിയാതെ പിരിഞ്ഞെക്കും

പറയാതെ പോയേക്കും

എങ്കിലും, പക്ഷെ

നമ്മള്‍ സംസാരിച്ചു കൊണ്ടിരിക്കും

ഒന്നും പരയാനില്ലാതാകും വരെ

നമ്മള്‍ പ്രണയിച്ചു കൊണ്ടിരിക്കും

നമ്മള്‍ നമ്മള്‍ അല്ലാതാകും വരെ


നിന്നോട്

എനിക്ക് പ്രണയം ഇല്ലാതാകുമ്പോള്‍

നീ അറിയേണ്ടുന്ന ഒരു കാര്യമുണ്ട്

ഇല്ലാതായത് പ്രണയം ആയിരുന്നില്ല

ഞാന്‍ ആയിരുന്നെന്നു


അത് വരേയ്ക്കും,

നിന്നെ പ്രണയിക്കാന്‍

എന്നെ അനുവദിക്കുക

ഒരു ഗസല്‍ പോലെ

നീ എന്നില്‍ നിറയട്ടെ.

No comments:

Post a Comment

Followers

About Me

My photo
thalassery, muslim/ kerala, India