പാട്ടുകള് പാടി, കടലുകള് താണ്ടി ജൊവാനലീന്
ആദ്യനോട്ടത്തില് മലയാള ചലച്ചിത്ര താരം കല്പ്പനയെ ഓര്മ്മവരും, പക്ഷേ, പേര് കേട്ടാല് മലയാളിയുടെ നാവിന് അത്ര പെട്ടെന്നൊന്നും വഴങ്ങുകയുമില്ല- ഫിലിപ്പിനോ സ്വദേശി ജൊവാനലീന് അന്റോണിയോ ബറൂസോ എന്ന് നാവു വടിച്ചാലും ഇല്ലെങ്കിലും കുറച്ചു കഷ്ടപ്പെട്ടാലേ മലയാളിക്ക് പറയാനാവു. അല് ഖോര് ബലദ്ന പാര്ക്കാണ് ജൊവാനിന്റെ ഇപ്പോഴത്തെ കര്മകേന്ദ്രം. ബലദ്നയിലെ പ്രോഗ്രാം കോര്ഡിനേറ്ററാണ് അവര്. കുറച്ചു നാളുകളിനി ഖത്തറിലുണ്ടാവും ജൊവാന്. നാല്പ്പതുകാരിയായ ജൊവാനലീനെ കുറിച്ച് പറയാന് എന്താണ് വിശേഷമെന്ന് തോന്നിയേക്കാം. ഖത്തറിലെത്തുന്നതിന് മുമ്പുള്ള ഒരു വ്യാഴവട്ടക്കാലം ലോകം ചുറ്റുകയായിരുന്നു അവര്. ഇക്കാലത്തിനിടയില് ലോകത്തിലെ 156 രാജ്യങ്ങളാണ് അവര് കണ്ടുതീര്ത്തത്. വെറുതെ കാണുകയായിരുന്നില്ല, കടലില് പാട്ടുപാടി, രാജ്യങ്ങള് സന്ദര്ശിച്ച് സംഗീത സാന്ദ്രമായ പന്ത്രണ്ടു വര്ഷങ്ങള് അവര് കൂട്ടിച്ചേര്ക്കുകയായിരുന്നു. ഏഴ് വന്കരകളിലൂടേയും രാജ്യങ്ങളിലൂടെ സഞ്ചരിച്ച ജൊവാനലീന് കടലില് സ്വപ്നത്തിലെന്നപോലെ പാട്ടുപാടി യാത്ര പോവുകയായിരുന്നു. വലിയ വിനോദ യാത്രാ കപ്പലുകളിലെ ഗായക സംഘമായിരുന്നു ജൊവാനലിന്റെ കുടുംബം. അച്ഛന