സ്വയം നാടുകടത്തപ്പെട്ട ഒരാളുടെ ജീവിതം
താനൂരിലെ ദേവധാര് സ്കൂളിലും തിരൂരിലെ ബോര്ഡ് സ്കൂളിലും മദിരാശിയിലെ മുഹമ്മദന്സ് കോളെജിലും പഠനം നടത്തിയ, മീശ മുളക്കാത്ത ഒരു പയ്യന് പാക്കിസ്താനിലേക്ക് തീവണ്ടി കയറി. എന്തിനായിരുന്നു അന്ന് അങ്ങനെയൊരു യാത്ര നടത്തിയത്? നീണ്ട ആറുപതിറ്റാണ്ടുകള്ക്ക് ശേഷം തിരൂരിനും താനൂരിനുമിടയില് വൈലത്തൂരിലെ വീട്ടിലിരുന്ന് ആലോചിക്കുമ്പോഴും ബി എം കുട്ടി എന്ന ബീയാത്തില് മൊയ്തീന് കുട്ടിയെന്ന മുഹ്യുദ്ദീന്കുട്ടിക്ക് പറയാന് ഉത്തരമില്ല. അന്നങ്ങനെ തോന്നി... അന്നങ്ങനെ യാത്ര നടത്തി... അതുകൊണ്ട് ഇന്ത്യയില് നിന്നും അതിര്ത്തി കടന്ന് പാക്കിസ്താനിലെത്തി... പാക്കിസ്താന് പൗരനായി... ഇന്ത്യന് മാതാപിതാക്കളുടെ പാക്കിസ്താനി മകന് കേരളത്തിന്റെ നനുത്ത ഓര്മകളുമായി ഇടക്കിടെ നാട്ടിലെത്തി മാതാവിനേയും സഹോദരങ്ങളേയും കാണുന്നയാളായി. ബി എം കുട്ടിയുടെ ജീവിതം എളുപ്പത്തില് ഇങ്ങനെ വായിച്ചെടുക്കാം 1929 ജൂലായ് 15ന് ബീയാത്തില് കുഞ്ഞലവി ഹാജിയുടേയും ബിരിയ ഉമ്മയുടേയും മൂത്തപുത്രനായി ജനനം. രേഖകളില് ജന്മവര്ഷം 1931 ആണുള്ളത്. താനൂര് ദേവധാര് മലബാര് റികണ്സ്ട്രക്ഷന് ട്രസ്റ്റ് സ്കൂളിലും തിരൂര് ഡിസ്ക്ട്രിക്ട് ബോര്ഡ് സ്കൂളിലും പഠനം. ച